काठमाडौं । नेत्रहीन क्रिकेट संघ नेपालको आयोजनामा भएको नेत्रहीन क्रिकेट प्रतियोगिता–२०२४ को उपाधि दृष्टिविहीन क्रिकेट संघ कञ्चनपुरले जितेको छ ।
मंगलबार बाँकेको कोहलपुरमा भएको फाइनलमा बर्दिया नेत्रहीन क्रिकेट संघलाई ८० रनले हराउँदै कञ्चनपुर प्रतियोगिताको च्याम्पियन बनेको हो ।
खेलमा कञ्चनपुरले प्रस्तुत गरेको २१८ रनको लक्ष्य पछ्याउने क्रममा बर्दियाले निर्धारित २० ओभरमा चार विकेट गुमाएर १३७ रनमात्र जोड्न सक्यो । त्यसअघि टस जितेर ब्याटिङमा आएको कञ्चनपुरले निर्धारित २० ओभरमा २१७ रनको योगफल खडा गरेको थियो ।
फाइनलमा १०६ रनको शतकीय इनिङ खेलेका कञ्चनपुरका दुर्गादत्त पौडेल ‘प्लेयर अफ द म्याच’ घोषित भए ।
प्रतियोगितामा पदमबहादुर बडैला ‘ प्लेयर अफ द सिरिज’ चुनिए । उनले प्रतियोगिताभर ३१२ रन र चार विकेटको लिएका थिए ।
प्रतियोगिताको समापन समारोहमा प्रमुख अतिथि कोहलपुर नगरपालिका कार्यवाहक प्रमुख लालबहादुर रानाले विजेता तथा उपविजेता खेलाडीहरूलाई सिल्ड, मेडल तथा नगद पुरस्कार वितरण गरे । समापन समारोहमा उनले आगामी नगरपालिको बजेट तथा कार्यक्रममा अपाङ्गता खेलकुदलाई बजेट विनियोजन गर्ने प्रतिबद्धतासमेत व्यक्त गरेका छन् ।