काठमाडौं । गायक प्रमोद खरेलको स्वरमा रहेको नयाँ गीत ‘मनमा पर्‍यो चोट’ सार्वजनिक भएको छ । गौरव गिरी र एलपी शर्माको शब्दरचना रहेको गीतमा रोहित देउवाले संगीत छ । 

गीतले प्रेमको आशामा धोका पाएको युवकको कथा समेटेको छ ।  

गीतले पछिल्लो समय युवा पुस्तामा झाँगिएको नाटकीय प्रेम देखाएको छ । स्वार्थका कारण युवतीले प्रेमको नाटक गरेर युवकको जिन्दगीमा गरेको खेलबाडलाई भिडियोमा देखाइएको छ । 

गौरव गिरीले निर्देशन गरेको भिडियोमा एलपी शर्मा र उषा उप्रेतीको अभिनय छ । साथमा भद्रजंग कुँवर, दिवसनाथ, रोहित देउवा, हेमन्त धामी, सञ्जु अधिकारी, सुसन्या लिली पनि देखिन्छन् । 

भिडियोमा कालिञ्चोक आसपासका रमणीय दृश्य कैद गरिएको छ ।