काठमाडौं । अभिनेता दयाहाङ राई र अभिनेत्री दीया पुन स्टारर चलचित्र ‘दयारानी’को ट्रेलर सार्वजनिक भएको छ । सार्वजनिक ट्रेलरमा चलचित्र पारिवारिक कथामा केन्द्रित रहेको देखिन्छ । 

ट्रेलरमा दयाहाङले आफू बाबु बन्न नसक्ने तथ्य लुकाएपछि उनकी श्रीमती र परिवारले उनको दोस्रो विवाह गर्ने प्रस्ताव गरेपछिको उत्पन्न परिस्थितिलाई ट्रेलरमा देखाइएको छ । 

आफ्नो कमजोरी लुकाउन दोस्रो विवाह टार्दै आएका दयाहाङमाथि एक युवतीले आफ्नो सन्तानको बाबु भएको आरोप लगाएको प्रसंग ट्रेलरमा समेटिएको छ । 

माओत्से गुरुङको डेब्यु निर्देशन रहेको चलचित्र ‘दयारानी’ माघ २६ गते रिलिज हुँदै छ । 

चलचित्रमा दयाहाङ र दीयासँगै विजय बराल, प्रमिसा गुरुङ, पुस्कर गुरुङ, टिकाराम घले, शिरिषा कुँवर, नयन गुरुङ, सूर्य सुनार, राजेन्द्र थापालगायत कलाकारको अभिनय छ ।