काठमाडौं । अर्थमन्त्री डा. प्रकाशशरण महतले बैंकहरूले जस्तो पनि धितो राखेर ऋण दिँदा समस्या परेको बताएका छन् । 

बुधबार राष्ट्रिय वाणिज्य बैंकको ५९औँ वार्षिकोत्सवको अवसरमा बोल्दै मन्त्री महतले ख वर्गका बैंकहरूले ‘प्रोजेक्ट वेस’ कर्जा विस्तार गर्नुपर्ने बताए । 

“अब बैंकहरू प्रोजेक्ट वेस कर्जामा जानुपर्छ । जस्तो पनि कोल्याट्रोल राखेर कर्जा प्रवाह गर्नु हुँदैन । ग्राहक जस्तो भए पनि धितोबाट असुल्छु भन्ने सोचले हुँदैन,” उनले भने, “हिजो बैंकबाट गएको पैसा गलत ठाउँमा गयो । राष्ट्र बैंकले कन्ट्रोल गर्‍यो । अहिले केही सुधार भएको छ ।”

त्यस्तै, घरजग्गा र सेयरमा बढी कर्जा जाँदा पनि समस्या निम्तिएको उनको भनाइ छ । घरजग्गाको मूल्य अस्वभाविक बढेको भन्दै यो धेरै समयसम्म नरहने बताए । 

अर्थतन्त्र चालु आर्थिक वर्ष २०८०/०८१ मा गत आर्थिक वर्ष २०७९/०८० को भन्दा राम्रो भएको दाबी गरे ।