काठमाडौं । घोराही सिमेन्ट्स इन्डस्ट्री लिमिटेडले सेयरधनीलाई १५ प्रतिशत लाभांश वितरण गर्ने प्रस्ताव पारित गरिएको छ । गएको शनिबार दाङको घोराहीमा सम्पन्न कम्पनीको तेस्रो वार्षिक साधारणसभाले आर्थिक वर्ष २०७९/८० सम्मको सञ्चित मुनाफाबाट सेयरधनीलाई १४.२५ प्रतिशतका बोनस सेयर र कर प्रयोजनका निम्ति ०.७५ प्रतिशत नगद लाभांश वितरण गर्ने प्रस्ताव पारित गरेको हो ।

प्रतिकूलताका बाबजुद घोराही सिमेन्टले आव २०७९/८० मा ६ करोड ३१ लाख रुपैयाँ मुनाफा आर्जन गरेको सभामा जानकारी गराइएको थियो । आव २०८०/८१ को मंसिरसम्म एक अर्ब ४२ करोड २५ लाख रुपैयाँबराबरको सिमेन्ट बिक्री गर्न सफल भएको अध्यक्ष पुरुषोत्तमलाल संघईले जानकारी दिए ।

कम्पनीको चुक्ता पुँजी तीन अर्ब ९७ करोड १९ लाख रुपैयाँ छ । हाल कम्पनीको अधिकृत पुँजी ६ अर्ब ८० करोड रुपैयाँ छ ।