बाँके । लुम्बिनी प्रदेश सरकारका सहरी विकासमन्त्री कृष्णा केसीले गए राति भालुवाङमा भएको बस दुर्घटनाका घाइतेको उपचारमा कुनै कमी हुन नदिन निर्देशन दिएकी छन् ।

नेपालगन्ज मेडिकल कलेज शिक्षण अस्पताल कोहलपुरमा शनिबार पुगेर उपचाररत घाइतेको स्वास्थ्य अवस्थाबारे जानकारी लिँदै उनले उपचारमा कुनै कमी हुन नदिन निर्देशन दिइन् ।

आर्थिक अभावकै कारण घाइतेको उपचारमा समस्या आउन नदिन समेत मन्त्री केसी अस्पताल प्रशासनलाई निर्देशन दिइन् । मन्त्री केसीले बस दुर्घटनाबाट आफू मर्माहत भएको उल्लेख गरिन् ।

शिक्षण अस्पताल कोहलपुरमा उपचाररत १३ घाइतेमध्ये एकजना ‘डिस्चार्ज’ भएको अस्पताल प्रशासनले जनाएको छ । हाल उपचाररत १२ घाइतेमध्ये एकजनाको अवस्था गम्भीर रहेको अस्पतालले जनाएको छ । रासस