काठमाडौं । पाँच पटकको फिफा विश्वकप विजेता ब्राजिलको मुख्य प्रशिक्षण डोरिभाल जुनियरले सम्हाल्ने भएका छन् । 

अन्तर्राष्ट्रिय सञ्चारमाध्यमले खुलाएअनुसार साओ पाउलोको जिम्मेवारीमा रहेका डोरिभालले घरेलु क्लबको जिम्मेवारी त्याग्दै राष्ट्रिय टोली सम्हाल्ने भएका हुन् । साओ पाउलोले आइतबार एक विज्ञप्ति जारी गर्दै जुनियरले राष्ट्रिय टिमको जिम्मेवारी सम्हाल्ने जनाएको छ । 

यसअघि ब्राजिलले शुक्रबार अन्तरिम प्रशिक्षक फर्नान्डो डिनिजलाई बर्खास्त गर्दै नयाँ प्रशिक्षकको खोजी सुरु गरेको थियो । ब्राजिलले टिमको मुख्य प्रशिक्षकमा इटालीका कार्लो एन्सेलोट्टीलाई ल्याउने प्रयास गरे पनि उनले रियाल मड्रिडसँगको सम्झौता नवीकरण गरेका थिए । 

एन्सेलोट्टी ल्याउने प्रयास विफल भएपछि डोरिभाल जुनियरलाई रोजाइमा राखेको हो । साओ पाउलोले एक्समा प्रशिक्षक डोरिभाल ब्राजिलको राष्ट्रिय टिमको जिम्मेवारीमा जान लागेको जनाएको छ । 

“साओ पाउलो प्रशिक्षक डोरिभल जुनियरले क्लब छोडेको घोषणा गर्दछ । जसले ब्राजिलको राष्ट्रिय टिमका लागि क्लबको जिम्मेवारी त्याग्न आग्रह गरेका थिए,” क्लबलको विज्ञप्तिमा उल्लेख छ ।