काठमाडौं । पोर्चुगल पठाउने आश्वासन दिएर ठगी गरेको आरोपमा एक युवती पक्राउ परेकी छन् ।पक्राउ पर्नेमा नुवाकोटको पञ्चकन्या गाउँपालिका–२ की २२ वर्षीया रचना थापा रहेकी छन् ।

प्रहरीका अनुसार उनले वैदेशिक रोजगारीका लागि पोर्चुगल पठाइदिने आश्ववासन दिएर रामचन्द्र कार्कीबाट झन्डै १० लाख रुपैयाँ लिएकी थिइन् । उनले कार्कीलाई कुल खर्च १२ लाख रुपैयाँ लाग्ने बताएकी थिइन् ।

उनले पोर्चुगल पुगेपछि प्रतिष्ठित होटलमा काम लगाइदिने बताएकी थिइन् । उनले मासिक एक लाख ३० हजार रुपैयाँ तलब हुने आश्वासन दिएको प्रहरीले जनाएको छ ।

तर, ९ लाख ९० हजार रुपैयाँ लिइसकेपछि उनी सम्पर्कविहीन भएकी थिइन् । 

प्रहरीले बुधबार उनलाई मनमैजुबाट पक्राउ गरेको हो । उनलाई थप अनुसन्धान तथा कारबाहीका लागि वैदेशिक रोजगार विभाग ताहाचल पठाइएको छ ।