काठमाडौं । बर्दियामा बाघको आक्रमणबाट एक बालकको मृत्यु भएको छ । बारबर्दिया नगरपालिका–४, बैरियाका १० वर्षीय सुमित थारुको मृत्यु भएको जिल्ला प्रहरी कार्यालयले बर्दियाले जनाएको छ ।

प्रहरीका अनुसार, बबई नदीमा नुहाउन गएका बेला शनिबार मध्याह्न करिब साढे १२ बजे बाघको आक्रमणमा परी बालक घाइते भएका थिए । जिरा सामुदायिक वननजिकै पाटेबाघले आक्रमण गरेको हो ।

त्यसलगत्तै बालकलाई उपचारका निम्ति आरसी थारु मेमोरियल अस्पतालमा लगिएको थियो । उपचारका क्रममा दिउँसो साढे १ बजे बालकको मृत्यु भएको बर्दिया प्रहरीका सूचना अधिकारी एवं डीएसपी तुल्सीराम अर्यालले जानकारी दिए ।