काठमाडौं । इन्जुरी समयमा मोसेस त्वमले निर्णायक गोल गरेपछि नेपाल सुपर लिग (एनएसएल) को दोस्रो संस्करणमा बुटवल लुम्बिनी एफसीलाई १–० ले हराउँदै पोखरा थन्डर्सले सेमिफाइनलमा स्थान पक्का गरेको छ । जितसँगै पोखरा अन्तिम–४ मा स्थान बनाउने पहिलो टिम बनेको हो ।

मंगलबार त्रिपुरेश्वरस्थित दशरथ रंगशालामा सम्पन्न खेलमा इन्जुरी टाइमको पाँच मिनेट सम्हालिन नसक्दा बुटवलले तीन अंक गुमाउनुपरेको हो । खेलको इन्जुरी समयमा त्वमले गोल गर्दै पोखरालाई अग्रतामा राखेका थिए । मैदानको मध्य भागमा बुटवलका तीन खेलाडीलाई छक्याउँदै आयुशले निकालेको बललाई मोसेस त्वमले हसजै पोस्टको दिशा दिएका थिए ।

दुवै टिमले गोलका अवसर सिर्जना गरे पनि सदुपयोग गर्न नसक्दा अंक बाँडे । मैदानको मध्य भागमा बुटवलका तीन खेलाडीलाई छक्याउँदै आयुशले निकालेको बललाई मोसेस त्वमले हसजै पोस्टको दिशा दिएका थिए ।

जितसँगै सात खेलबाट १४ अंक जोडेको पोखरा तालिकाको शीर्ष स्थानमा उक्लिएको छ । पोखराले सात खेलमध्ये चार खेलमा जित, दुई खेलमा बराबरी र एक खेलमा हार बेहोरेको छ । यता, पोखरासँगको हारले बुटवलको अन्तिम–४ पुग्ने सम्भावना भने कमजोर बनेको छ । सात खेलबाट सात अंक जोडेको बुटवल तालिकाको सातौँ स्थानमा छ ।

खेलमा दुवै टिमले केही अवसर सिर्जना गरे पनि सदुपयोग गर्न सकेनन् । खेलको ६५औँ मिनेटमा सञ्जीव विष्टले सुनौलो अवसर सदुपयोग गर्न नसक्दा पोखराले अग्रता बनाउन सकेन । लेफ्ट साइडमा आयुश घलानले निकालेको हेडर पासलाई नियन्त्रणमा लिँदै सञ्जिवले ‘वान भर्सेस वान’ को अवस्थामा बुटवलका गोलकिपर मोहमोदोउले उत्कृष्ट बचाउ गर्दै खतरा टारेका थिए ।

त्यसको अर्को मिनेटमा बुटवल लुम्बिनीले अवसर बनाएको थियो । आशिष लामाले नै निकालेको बललाई स्टेफन बिनोङले ‘वाल पास’ निकालेका थिए । जसलाई १८ यार्ड बक्स बाहिरबाट आशिषको प्रहार पोस्ट नजिकैबाट बाहिरिएको थियो ।

७४औँ मिनेटमा बुटवलका एरिक विष्टले गरेको फ्रिकिक प्रहारलाई पोखराका प्रिसो एन्जांगाले विफल बनाउँदै आफ्नो टिमको खतरा टारेका थिए ।

६औँ मिनेटमा जोए आइडूले १ यार्ड बक्सभन्दा बाहिरबाट गरेको लामो प्रहारलाई मुस्किलले पन्च गर्दै बुटवलका गोलकिपर मोहमोदोउले पोखराको अग्रता लिने सम्भावनालाई विफल बनाएका थिए ।