काठमाडौं । नेपाल सुपर लिग (एनएसएल) को दोस्रो संस्करणमा अग्रता जोगाउन नसक्दा काठमाडौं रेजर्सविरुद्ध धनगढीले एफसीले १–१ को बराबरी खेल्दै अंक बाँडेको छ ।

सोमबार त्रिपुरेश्वरस्थित दशरथ रंगशालामा सम्पन्न खेलको १४औँ मिनेटमा धनगढीले अग्रता बनाएको थियो । धनगढीका अहमद हिजाजीले गोल गर्दै धनगढीलाई अग्रतामा राखेका थिए । तर, किंग्यु ओलिभरले ६६औँ मिनेटमा गोल गर्दै काठमाडौंलाई खेलमा फर्काएका थिए ।

जारी लिगमा अपराजित साविक उपविजेता धनगढीको यो तेस्रो बराबरी हो । ६ खेलबाट १२ अंक जोडेको धनगढी तालिकाको शीर्ष स्थानमा यथावत् छ ।

साविक विजेतासमेत रहेका काठमाडौंको पनि यो तेस्रो बराबरी हो । ६ खेलबाट नौ अंक जोडेको काठमाडौं तालिकाको चौथो स्थानमा छ ।

मंसिर ८ गतेदेखि सुरु भएको प्रतियोगितामा नौ टिमको सहभागिता छ । प्रतियोगिताको यस सिजनमा काठमाडौं रेजर्स, धनगढी एफसी, बुटबल लुम्बिनी एफसी, स्पोर्टिङ इलाम डे मेची एफसी, चितवन एफसी, झापा एफसी, वीरगन्ज एफसी, ललितपुर सिटी एफसी, एफसी बुटवल लुम्बिनी र पोखरा थन्डर्स सहभागी छन् ।