काठमाडौं  । सिटी एक्सप्रेस मनी ट्रान्सफरले ‘विदेशबाट सिटी पठाऔँ, पठाएको भन्दा १० गुणा बढी पाऔँ’ अफरको मेगा बम्पर उपहार ‘आफूले पठाएको भन्दा १० गुणा बढी पाउने’ विजेताको नाम घोषणा गरेको छ ।

सिटी एक्सप्रेसका ब्राण्ड एम्बासडर जितु नेपाल र कम्पनीका प्रबन्ध निर्देशक चन्द्र टण्डनको उपस्थितिमा विद्युतीय प्रणालीद्वारा विजेता छनोट गरिएको हो ।

यस अफरको विजेता साउदी अरबबाट रेमिट्यास पठाउने राजु तामाङ बनेका छन् । तामाङले आफूले पठाएको रकम ५३ हजार ७५ रुपैयाँको १० गुणा पाँच लाख ३० हजार ७५० जित्न सफल भएका छन् । अफर असोज १५ देखि मंसिर १५ गतेसम्म ६१ दिन चलेको थियो ।

यस अफरअन्तर्गत लक्की ड्रमार्फत हरेक महिना एकजनालाई जनही एक लाख, हरेक हप्ता पाँचजनालाई जनही २५ हजार रुपैयाँ, हरेक दिन १०० जना विजेतालाई जनही ५०० रुपैयाँको वालेट टप्अप्  र अन्त्यमा एकजना भाग्यशाली बम्पर विजेताले आफूले पठाएको रकमको १० गुणा बढी रकम पाउने योजनामा रहेको थियो ।