काठमाडौं । अपांगता भएका व्यक्तिहरूको ३२औँ अन्तर्राष्ट्रिय दिवसको अवसरमा सिटी एक्सप्रेस मनी ट्रान्सफरलाई राष्ट्रिय अपांग कोषद्वारा सम्मान गरिएको छ । उक्त सम्मान कार्यक्रमका प्रमुख अतिथि, सहरी विकासमन्त्री सीता गुरुङद्वारा हस्तान्तरण गरिएको थियो ।

गत वैशाखमा सिटी एक्सप्रेस मनी ट्रान्सफरले सामाजिक उत्तरदायित्वअन्तर्गत राष्ट्रिय अपांग कोषलाई पाँच लाख रुपैयाँ रकम सहयोग गरेको थियो ।

सिटीले कोषसँग सहकार्य गरी वैदेशिक रोजगारीका क्रममा अपांगता भएकाहरूलाई सेवा पुर्‍याउने उदेश्यले उक्त रकम सहयोग गरेको जनाएको छ ।

कोषले वार्षिक १५ सय अपांगता भएका व्यक्तिहरूका लागि आवश्यक सहयोग सामग्री तथा अन्य आवश्यक सहायक सामग्री उत्पादन एवं वितरण गर्दै आइरहेको छ । साथै गुणस्तरीय फिजियोथेरापी, अकुपेसनल र परामर्श सेवा उपलब्ध गराउँदै आएको जनाइएको छ ।