काठमाडौं । लियोनल मेसी सम्मिलित इन्टर मियामीले क्रिस्टियानो रोनाल्डोको टिम अल नासरविरुद्ध खेल्ने भनेर सम्प्रेषित समाचारको खण्डन गरेको छ ।

मंगलबार राति विश्वभरका अधिकांश सञ्चारमाध्यमले अर्जेन्टिनी कप्तान मेसी र पोर्चुगिज कप्तान रोनाल्डोको टिमबीच साउदी अरबमा प्रतिस्पर्धा हुने जनाएका थिए । रियाद कपअन्तर्गत आउँदो वर्षको सुरुआतमा उक्त खेल हुने जनाइएको थियो ।

तर, इन्टर मियामीले बुधबार एक विज्ञप्ति जारी गर्दै साउदी अरेबियन क्लबसँग खेल्ने समाचार गलत रहेको प्रष्टीकरण दिएको हो ।

“यसअघि आज सबेरै, इन्टर मियामी जर्ज मासले रियाद सिजन कप खेल्ने तालिका घोषणा गरेको भन्दै हल्ला फिँजिएको थियो । यो अशुद्ध छ । उक्त विज्ञप्तिमा टोली मालिक जर्ज मासलाई श्रेय दिइएको बयान समावेश छ । मासले प्रि–सिजन भ्रमणको सम्बन्धमा सार्वजनिक वा निजी रूपमा कुनै टिप्पणी गरेका छैनन्,” इन्टर मियामीले जारी गरेको विज्ञप्तिमा उल्लेख छ ।