काठमाडौं । सिरहाको गोलबजार नगरपालिका–६, राधाकृष्ण मन्दिर टोलमा कपडा गोदाममा आगलागी भएको छ । 

सोही ठाउँ बस्ने ३७ वर्षीय दुर्गेशकुमार साहको कपडा गोदाममा बुधबार राति आगलागी भएको हो । आगलागीबाट गोदामभित्र रहेका लत्ताकपडा समेत जलेर करिब १७ लाख रुपैयाँ मूल्य बराबरको धनमाल नष्ट भएको प्रहरीले जनाएको छ । 

विद्युत्को तार सर्ट भइ गोदाममा आगलागी भएपछि इलाका प्रहरी कार्यालय गोलबजार र सशस्त्र वेस क्याम्प गोलबजारबाट खटिएको टोली, स्थानीय र दमकलको सहयोगमा आगो पूर्ण रूपमा नियन्त्रणमा लिएको थियो ।