काठमाडौ । राष्ट्रपति रामचन्द्र पौडेलले भूकम्प प्रभावित जनताका लागि प्रधानमन्त्री दैवी प्रकोप उद्वार कोषमा आफ्नो एक महिनाको तलव बराबरको रकम दिने भएका छन् । 

राष्ट्रपति पौडेलका प्रेस सल्लाहाकार किरण पोखरेलले एक महिनाको तलब बराबरको रकम दिनेबारे जानकारी दिए । 

जाजरकोट केन्द्रविन्दु भएर गएको भूकम्पबाट प्रभावितहरूको राहत तथा पुनःस्थापनाका लागि सो कोषमा राष्ट्रपति पौडेलले सो रकम प्रदान गर्ने निर्णय गरेको पोखरेलले जानकारी दिए । 

राष्ट्रपति पौडेलले भूकम्पकै कारण कार्तिक २२ गतेदेखि गर्ने भनिएको १० दिने युरोप भ्रमण स्थगन गरेका थिए । पौडेलले मंगलबार भूकम्प प्रभावित क्षेत्रको अनुगमन गरेर फर्किएका हुन् ।