काठमाडौं । स्थानीय बजारमा सुनचाँदीको मूल्य घटेको छ । नेपाल सुनचाँदी व्यवसायी महासंघका अनुसार सुन तोलामा एक हजार रुपैयाँ घटेको छ । 

बुधबार छापावाल सुन तोलाको एक लाख १५ हजार रुपैयाँमा कारोबार भइरहेको छ । अघिल्लो कारोबार दिन सुन तोलामा एक लाख १६ हजार रुपैयाँमा कारोबार भएको थियो । 

त्यस्तै, तेजाबी सुन एक लाख १४ हजार ४५० रुपैयाँमा कारोबार भइरहेको छ ।

चाँदीको मूल्य तोलामा ३५ रुपैयाँ घटेको छ । चाँदी तोलाको एक हजार ३८५ रुपैयाँमा कारोबार भइरहेको महासंघले जनाएको छ ।