काठमाडौं । नेपालमा हुन्डाईका गाडी बिक्री गर्दै आएको लक्ष्मी इन्टरकन्टिनेन्टलले काेना ईभीकाे ब्याट्री परीक्षण गरेको बताएको छ ।

यसै अक्टोबर ६ देखि ८ गते सञ्चालन गरिएको 'हुन्डाई  फेस्टिभ कार्निवल'मा  हुन्डाईले हाई भाेल्टेज ब्याट्री चेकअप क्याम्प आयोजना गरेको बताएको छ ।

जसमा २०० भन्दा बढी सवारीधनीको ब्याट्री परीक्षण गरिएको र चार वर्षसम्म चलाइएका कोनाका ब्याट्रीको शक्ति (एसओसी) ९५ प्रतिशतभन्दा बढी पाइएको कम्पनीले जनाएको छ ।

नेपाली बजारमा हुन्डाईको कोना ईभीले आफूलाई अद्धितीय दाबी गरेको छ । कम्पनी सन् २०१९ मा पहिलो ईभी एसयूभीका रुपमा भित्रिएको दाबी गर्दै हालसम्म एक हजारभन्दा बढी युनिट बिक्री भइसकेको जनाएको छ ।

सन् २०१९ मा भारतबाट सुरु गरिएको इमिसन इम्पोसिबल नामक मिसनअन्तर्गत कोना इलेक्ट्रिकले विश्वको सबैभन्दा अप्ठ्यारो भू–भागमा ७०० किलोमिटरको यात्रा १७ हजार फिटको उचाइ र माइनस १२ डिग्रीको तापक्रम पार गर्दै सगरमाथाको आधार शिविरसम्म पुगेर गिनिज बुक अफ वर्ल्ड रेकर्डमा नाम दर्ता गराएकाे बताएकाे छ ।