विदेश
![इजरायलको हवाई आक्रमणमा परी १३ बन्धकको मृत्यु भएको हमासको दाबी](https://12khari.top/uploads/posts/Israel-1696903200.jpg)
काठमाडौं । प्यालेस्टिन चरमपन्थी समूह हमासले इजरायलले गरेको हवाई आक्रमणमा परी १३ जना बन्धक मारिएको जनाएको छ । पछिल्लो चौबिस घण्टामा उनीहरू मारिएको हमासको सशस्त्र शाखालाई उद्धृत गर्दै बीबीसीले जनाएको छ ।
मारिने बन्धकमा इजरायली र विदेशी नागरिक रहेको हमासले जनाएको छ ।
हमासको इजेदीन अल–कासम बिग्रेडले भनेको छ, “इजरायली विमानले पाँच ठाउँलाई लक्षित गरी आक्रमण गरेको छ । आक्रमणमा १३ जना बन्धक मारिएका छन्, जसमा विदेशी पनि छन् ।”
हमासले गत शनिबार अचानक दक्षिण इजरायलमा आक्रमण गरेर १५० जनालाई बन्धक बनाएको थियो ।
![Global Ime bank](https://baahrakhari.com/uploads/bigyaapan/30885600.gif)
यसअघि हमासले इजरायलले गाजाका सर्वसाधरणको घरलाई निसाना बनाए बन्धकको हत्या गर्ने चेतावनी दिएको थियो ।
प्रकाशित मिति: शुक्रबार, असोज २६, २०८० १७:४९
प्रतिक्रिया दिनुहोस्