काठमाडौं । अभिनेता अनमोल केसी अस्पताल भर्ना भएको घटनामा नेपाल मेडिकल काउन्सिलले छानबिन सुरु गरेको छ ।

स्वास्थ्यमा समस्या भएर वा नभएरै उनलाई अस्पताल राखियो भन्ने सन्दर्भमा अनुसन्धान सुरु गरिएको काउन्सिलका रजिष्ट्रार डा. कृष्णप्रसाद अधिकारीले बताए ।

अस्पताल भर्ना भएकोबारे बुझ्न काउन्सिलको टोली बसुन्धरास्थित चिरायु अस्पताल पुगेको डा. अधिकारीले बताए । “घटनाबारे सञ्चारमाध्यममा आएका समाचारका अधारमा छानबिन सुरु गरिएको हो । दोषी भेटिए कारबाही हुन्छ,” उनले भने ।

चलचित्र ‘रावायण’को निर्माण पक्षले आपराधिक विश्वासघातको उजुरी गरेपछि प्रहरीले उनलाई  शुक्रबार पक्राउ गरेको थियो । केसी आइतबार हाजिरी जमानीमा रिहा भएका छन् ।