काठमाडौं । टोखा नगरपालिकाले आइतबारदेखि प्रथम कर सप्ताह अभियान, २०८० सुरु गरेको छ ।

आइतबार टोखा नगरपालिका कार्यालयबाट प्रभातफेरी कार्यक्रम गर्दै कर सप्ताह अभियान थालिएको प्रमुख प्रशासकीय अधिकृत शेरबहादुर बिसीले जानकारी दिए ।

नगरपालिकाभित्र व्यापार, व्यवसाय गर्नेलगायत करको दायरामा नआएकाहरूलाई शिक्षा दिनु यसको मुख्य उद्देश्य रहेको उनले बताए । गत वर्ष नगरपालिकाले आन्तरिक स्रोतबाट २५ करोड रुपैयाँ कर संकलन गरेको उनले जानकारी दिए ।

नगरपालिकाले चालु आर्थिक वर्षमा ३० करोड राजस्व संकलन गर्ने लक्ष्य राखेको प्रमुख प्रशासकीय अधिकृत बिसीले बताए । सो लक्ष्यानुसार नगरपालिकाले ६ दिने कर सप्ताह अभियान सुरु गरेको उनले उल्लेख गरे ।