काठमाडौं । एनएमबि बैंक लिमिटेड र बुद्ध एयरले एनएमबि ‘बुद्ध भिसा डेबिट कार्ड’ सार्वजनिक गरेको छ ।

को–ब्रान्डेड डेबिट कार्डका ग्राहकहरूले काठमाडौं उपत्यकाभित्र रहेका बुद्ध एयरका तीन काउन्टर, एयरपोर्ट, सिनामंगल र जावलाखेलबाट हवाई टिकट खरिद गर्दा भाडामा १० प्रतिशत छुट पाउने छन् ।

यसका साथै ग्राहकहरूले आन्तरिक टर्मिनलबाट यात्रा गर्दा थप पाँच किलो सामान निःशुल्क लैजान सक्ने बताइएको छ ।

‘एनएमबि बुद्ध भिसा डेबिट कार्ड’ प्रयोेग गर्ने ग्राहकहरूलाई शतप्रतिशत भाडा फिर्ता गर्नु यस कार्डको मुख्य विशेषता रहेको बताइएको छ । यस कार्डबाट नेपालको जुनसुकै कुनामा रहेका एटीएमबाट निःशुल्क नगद झिक्ने सुविधासमेत रहेको जानकारी दिइएको छ ।

एनएमबि बैंकले हाल देशभरी २०१ शाखा कार्यालय, १४६ एटीएम र १२ एक्सटेन्सन काउन्टरमार्फत सेवा दिँदै आएको छ ।