काठमाडौं । प्राथमिक सेयर (आईपीओ) निष्कासन गर्न हिमालयन रि–इन्स्योरेन्स लिमिटेड र सान्भी इनर्जी लिमिटेडले नेपाल धितोपत्र बोर्डमा निवेदन दिएका छन् । 

हिमालयन रिले भदौ २६ गते र सान्भी इनर्जीले भदौ २७ गते आईपीओ निष्कासनका लागि बोर्डमा निवेदन दिएका हुन् ।

हिमालयन रिले तीन करोड कित्ता आईपीओ अंकित १०० रुपैयाँमा १०८ रुपैयाँ प्रिमियम मूल्य थप गरी आईपीओ निष्कासन गर्न निवेदन दिएको हो । 

कम्पनीले ६ अर्ब २४ करोड रुपैयाँको आईपीओ निष्कासन गर्न अनुमति मागेको हो । यो कम्पनीको आईपीओ बिक्री प्रबन्धक एनएमबि क्यापिटल लिमिटेड रहेको छ ।

सान्भी इनर्जीले भने अंकित मूल्य १०० रुपैयाँमा नै ३७ लाख ९० हजार कित्ता आईपीओ निष्कासन गर्न आवेदन दिएको छ । यो कम्पनीको आईपीओ निष्कासन बिक्री प्रबन्धकमा नेपाल एसबीआई मचेन्ट बैंकिङ लिमिटेड रहेको छ ।