काठमाडौं । टाटा जेन्युइन पार्टस् र टाटा मोटर्स जेन्युइन आयलका सामग्री अब दराज अनलाइन किनमेल वेबसाइटमा पाइने भएका छन् ।

यसका लागि नेपालको एकमात्र आधिकारिक बिक्रेता सिप्रदी अटोपार्टस र अनलाइन स्टोर दराजबीच सहकार्य गर्ने सम्झौता भएको छ ।

सिप्रदी कम्पनीका प्रमुख कार्यकारी अधिकृत राजनबाबु श्रेष्ठ र टाटा मोटर्सका अन्तर्राष्ट्रिय व्यापार प्रमुख राकेश मित्तलको प्रमुख उपस्थिति र काठमाडौं उपत्यका भित्रका खुद्रा बिक्रेताहरू, देशभरका टाटा गुरुहरूको उपस्थितिमा सिप्रदी अटोपार्टसका सिनियर जेनरल म्यानेजर युवराज बुढाथोकी र दराज अनलाइन स्टारका व्यापार अधिग्रहण तथा आवरण प्रमुख नबीन रानामगरबीच यसका लागि सहमति र सहकार्य गर्ने सम्झौता भएको हो ।

यससँगै टाटा मोटर्सका ग्राहकहरूले छिटो छरितो र सहज रूपमा टाटा जेन्युइन पार्टस् तथा टाटा मोटर्स जेन्युइन आयल खरिद गर्न सकिने कम्पनीले जनाएको छ ।