काठमाडौं । नेपालमा सबैभन्दा धेरै क्षेत्रफलमा आँप खेती हुने गरेको पाइएको छ ।

‘कृषि गणना २०७८’ अनुसार एक लाख ४५ हजार हेक्टर क्षेत्रफलमा फलफुल खेती हुने गरेको छ ।

त्यसमध्ये सबैभन्दा धेरै क्षेत्रफलमा आँप खेती हुने गरेको पाइएको हो । 

फलफुल उत्पादन हुने कुल जग्गामध्ये १९ हजार ८०० हेक्टर क्षेत्रफलमा आँप खेती हुने गरेको तथ्यांक कार्यालयले जनाएको छ । बगैंचाको रूपमा बढी आँप खेती हुने मधेस प्रदेशको सिरहा जिल्ला रहेको छ ।

नेपालमा ६ हजार ५०० हेक्टर क्षेत्रफलमा सुन्तला उत्पादन हुने गरेको छ । गण्डकी प्रदेशको स्याङ्जामा सुन्तला खेती बढी हुने गरेको छ । ७.९ हेक्टर क्षेत्रफलमा केरा खेती हुने गरेको छ ।

यस्तै, स्याउ तीन हजार १०० हेक्टर, कागती दुई हजार ८०० हेक्टर क्षेत्रफलमा खेती हुने गरेको छ ।