काठमाडौं । एसिया कप–२०२३ मा नेपालविरुद्ध भारतका कप्तान रोहित शर्माले अर्धशतक प्रहार गरेका छन् ।

श्रीलंकाको क्यान्डीस्थित पालेकेले रंगशालामा जारी खेलमा नेपालले प्रस्तुत गरेको लक्ष्य पछ्याइरहेको भारतबाट रोहितले ३९ बलमा पाँच चौका र दुई छक्कासहित ५० रन पूरा गरेका हुन् । एकदिवसीय अन्तर्राष्ट्रिय क्रिकेटमा रोहितको यो ४९औँ अर्धशतक हो ।

भारतले १३ ओभरको समाप्तीमा विकेट नगुमाई ९६ रन बनाएको छ । भारतबाट हाल रोहितसँगै क्रिजमा रहेका सुभमन गिल ४१ रनमा खेलिरहेका छन् । 

दोस्रो इनिङ्सको वर्षाले प्रभावित बनेपछि डकवर्थ लुइस पद्दति (डीएलएस) अनुसार भारतले २३ ओभरमा १४५ रनको लक्ष्य पाएको छ । दोस्रो इनिङ्सको तेस्रो ओभर चल्दै गर्दा वर्षा भएपछि खेल रोकिएको थियो । 

त्यसअघि टस हारेर ब्याटिङमा आएको नेपालले ४८.२ ओभरमा सबै विकेट गुमाएर २३० रनको योगफल खडा गरेको थियो । 

आजको खेलमा जित निकाले नेपाल प्रतियोगिताको सुपर फोरमा प्रवेश गर्ने छ । सुपर फोरमा प्रवेशका लागि भारत पनि जित्नै पर्ने दबाबमा छ । वर्षाका कारण खेल रद्द भए भारत दुई अंकसहित सुपर फोरमा प्रवेश गर्ने छ ।