site stats
बाह्रखरी :: Baahrakhari
खेल
Global Ime bankGlobal Ime bank
बंगलादेश एसिया कपको सुपर फोरमा प्रवेश

काठमाडौं । अफगानिस्तानविरुद्ध ८९ रनको जित निकाल्दै बंगलादेश एसिया कप–२०२३ को सुपर फोरमा प्रवेश गरेको छ । 

आइतबार पाकिस्तानको लाहोरस्थित गद्दाफी रंगशालामा भएको खेलमा बंगलादेशले प्रस्तुत गरेको ३३५ रनको लक्ष्य पछ्याउने क्रममा अफगानिस्तानले ४४.३ ओभरमा सबै विकेट गुमाएर २४५ रनमात्र बनायो । 

अफगानिस्तानका इब्राहिम जद्रानले ७५ रन बनाए पनि टिमको हार टार्न सकेनन् । कप्तान हस्मतुल्लाह साहिदीले ५१ रन थपे । रहमत साहले ३३, राशिद खानले २४, नजिबुल्लाह जद्रानले १७ र गुलबदिन नैबले १५ रन बनाए । 

बंगलादेशका तक्सिन अहमेदले चार विकेट लिए । ८.३ ओभर बलिङ गरेका उनले ४४ रन खर्चिए । सोरिफुल इस्लामले तीन विकेट लिदा हसन मह्मुद र मेहदी हसनले समान एक विकेट लिए ।

त्यसअघि टस जितेर ब्याटिङमा आएको बंगलादेशले निर्धारित ५० ओभरमा पाँच विकेट गुमाएर ३३४ रनको योगफल खडा गरेको थियो । 

बंगलादेशका मेहदी हसन र नज्मुल हुसैन सान्टोले शतक बनाए । मेहदी हसनले ११९ बलमा सात चौका र तीन छक्का प्रहार गरे । नज्मुलले १०५ बलमा नौ चौका र दुई छ्क्का प्रहार गरे ।

अफगानिस्तानका मुजिब उररहमान र गुलबदिन नैबले समान एक विकेट लिए । 

जितसँगै दुई खेलबाट दुई अंकसहित बंगलादेशले सुपर फोरमा स्थान बनाएको हो । अफगानिस्तानको भने प्रतियोगितामा यो पहिलो खेल हो । 

प्रकाशित मिति: आइतबार, भदौ १७, २०८०  २३:५१
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro