काठमाडौं । सन ह्युङ मिनको ह्याट्रिकमा टोटनहमले शनिबार बर्न्लीविरुद्ध ५–२ को सहज जित निकालेको छ ।

बर्नीको मैदान टर्फ मूरमा सम्पन्न खेलमा घरेलु टिमविरुद्ध जित दिलाउन सनले ह्याट्रिक गर्दा क्रिस्टियन रोमेरो र जेम्स म्याडिसनले समान एक गोल गरे । बर्न्लीका लाइल फोस्टर र जस ब्रोनहिलले गोल फर्काएका थिए ।

खेलमा सुरुआती अग्रता भने बर्नीले बनाएको थियो । चौथो मिनेटमा फोस्टरले गोल गर्दै बर्न्लीलाई अग्रता दिलाएका थिए । तर, सनले १६औँ मिनेटमा गरेको गोलबाट टोटनहमले खेलमा फर्किएको थियो ।

पहिलो हाफको इन्ज्युरी समयमा रोमेरोले टोटनहमको अग्रता दोब्बर पारे । ५४औँ मिनेटमा म्याडिसनले गोल गरेपछि टोटनहमले अग्रतालाई ३–१ मा पुर्‍याएको थियो । ६३औँ मिनेटमा सनले व्यक्तिगत दोस्रो गोल गरेपछि टोटनहमले अग्रतालाई ४–१ मा पुर्‍याएको थियो । त्यसको तीन मिनेटपछि नै हाल्यान्डले ह्याट्रिक गरेपछि टोटनहमले अग्रतालाई ५–१ मा पुर्‍यायो ।

खेलको इन्ज्युरी समयमा ब्रोनहिलले गोल गर्दै टोटनहमको अग्रतालाई ५–२ मा झारे पनि हार टार्नसकेनन् ।

जितसँगै चार खेलबाट १० अंक जोडेको टोटनहम तालिकाको दोस्रो स्थानमा उक्लिएको छ । टोटनहम शीर्ष स्थानको सिटीभन्दा दुई अंकले पछाडि । तालिकाको पुछारमा रहेको बर्न्लीले तीन खेल खेल्दा पनि अंकको खाता खोल्न सकेको छैन ।

शनिबार नै भएका अरू खेलमा चेल्सी नटिंघम फरेस्टसँग १–० ले पराजित हुँदा ब्राइटनले न्युक्यासल युनाइटेडलाई ३–१ ले हरायो ।