site stats
बाह्रखरी :: Baahrakhari
खेल
Global Ime bankGlobal Ime bank
इन्टर मियामी र लस एन्जलसबीचको खेल एमएलएस इतिहासकै महंगो, टिकट मूल्य ५२७ प्रतिशतले बढ्यो

काठमाडौं । अमेरिकामा ‘मेसी मानिया’ कम हुने कुनै संकेत हालसम्म देखिदैन । यसको ज्वलन्त उदाहरण बनेको छ, मेजर लिग सकर (एमएलएस)अन्तर्गत आइतबार हुने इन्टर मियामी र लस एन्जलस एफसीबीचको खेल ।

एक अनलाइन बजार टिकपिकका अनुसार आइतबार हुने मियामी र लस एन्जलसबीचको खेल एमएलएस लिगको इतिहासमा हालसम्मकै सबैभन्दा महंगो खेल बन्दै छ ।

यी दुई टिमबीचको टिकट मूल्य औसतमा ६९० डलर छ । जुन एक नियमित एमएलएस खेलको टिकट मूल्यभन्दा ५२७ प्रतिशत धेरै हो । मेसी एमएलएस क्लबमा अनुबन्धित हुनुअघि यो मुल्य ११० डलर थियो ।

मियामी र लस एन्जलसबीचको खेलका लागि एक दिनमात्र बाँकी रहँदा मैदानमा मेसीलाई हेर्न समर्थकले टिकटका लागि ७८५ डलर तिर्नुपर्छ ।

मेसी नभए यो मूल्यमा निकै गिरावट आउँथ्यो । टिकपिकका अनुसार मेसी नभएको भए यो मूल्य एक सिटका लागि १५१ डलर पर्ने थियो ।

एमएलएसमा मेसीको आगमनयता टिकट मूल्यमा नियमित वृद्धि भइरहेको छ । गत हप्ता मेसीले एमएलएसमा डेब्यू गर्दा न्यूयोर्क रेड बुल्ससँगको खेलका लागि टिकट मूल्य करिब एक हजार प्रतिशतले बढेको थियो ।

 

प्रकाशित मिति: शुक्रबार, भदौ १५, २०८०  १५:३६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro