काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले बजारमा वस्तु तथा सेवाको माग कम भएकाले अर्थतन्त्रमा समस्या सिर्जना भएको बताएका छन् । आइतबार काठमाडौंमा आयोजित एक कार्यक्रममा उनले अहिले व्यवसायीको आत्मबल कमजोर भएको बताए ।

बैंकबाट लिएको पैसा तिर्नु पर्दैन भन्ने भाष्य सिजना गराउने अराजक प्रवृत्तिले पनि समस्या निम्तिएको उनको भनाइ छ ।

बैंकमा भएको रकम सर्वसाधारणले जम्मा गरेको पैसा भएकाले कसैले खेलबाड गर्न नहुनेमा अध्यक्ष ढकालले जोड दिए ।

“वित्तीय प्रणालीमा देखिएको असहजता र बजारको अहिलेको स्थितिले व्यवसायीमा आत्मबल कमजोर भएको छ । डिमान्ड र सप्लाईमा पनि अहिले कमी छ,” उनले भने ।