काठमाडौं । इकोनोमिक कम्युनिटी अफ वेस्ट अफ्रिकन स्टेट्स (इकोवास) नाइजेरियामा प्रजातन्त्र पुनः स्थापनाका लागि गरिएको कूटनीतिक पहल नमाने सैन्य हस्तक्षेप गर्ने सहमति भएको बताएका छन् ।

पश्चिमी अफ्रिकी राज्यहरूको आर्थिक समुदाय (इकोवास)ले कूटनीतिक पहल असफल भएको खण्डमा अन्तिम उपायको रूपमा सैन्य बल स्ट्याण्डबाइ राख्न निर्देशन दिएको हो । यसको खुलासा इकोवासका राजनीतिक मामिला, शान्ति र सुरक्षा आयुक्त अब्देल फताउ मुसाहले गरेका हुन् ।

केही हप्ताअघि मात्रै नाइजरका निर्वाचित राष्ट्रपति मोहम्मद बाजुमलाई अपदस्थगरी देशको शासन व्यवस्था आफूले सञ्चालन गर्ने घोषणा राष्ट्रपतिका सुरक्षा प्रमुख जनरल अब्दुरहमान टियानीले गरेका थिए ।

घानाको राजधानी अक्रामा इकोवास रक्षा प्रमुखहरूको दुई दिने बैठकपछि आयोजित पत्रकार सम्मेलनमा यस्तो टिप्पणी गरे । मुसाहले सबै आवश्यक तयारी पूरा भइसकेको र रक्षा प्रमुखहरूले थप निर्देशनका लागि उपक्षेत्रीय स्तरका नेताहरूलाई आफ्नो प्रतिवेदन पेस गर्ने बताए ।

उनले भने, "हामीले हस्तक्षेपका लागि आवश्यक तयारी गर्ने कुरामा पहिला नै सहमति जनाइसकेका छौँ । आदेश दिनासाथ जुनसुकै बेलामा हामी नइजर जान तयार छौँ । यो दोस्रो पटकको बैठक हो र हाम्रा राष्ट्राध्यक्षहरु र प्रश्तुत प्रतिवेदनप्रति सरकार सन्तुष्ट छ । हाम्रा सेनता तयार छन् ।"

nउनले संकटलाई शान्तिपूर्ण रूपमा समाधान गर्न अझै छलफलको वातावरण कायम रहेको बताए। उनले अपदस्थ राष्ट्रपति मोहम्मद बाजुम र उनको परिवार अझै नाइजेरियाको हिसासतमा रहेको भन्दै बिनाशर्त रिहा गर्न आग्रह गरे ।