याङ्गुन । म्यानमारको उत्तरी काचिन राज्यमा रहेको जेड खानीमा गएको पहिरोमा परी ज्यान गुमाएका मध्ये मंगलबार दिउँसोसम्म १९ जनाको शव निकालिएको छ ।

"स्थानीय समयअनुसार मंगलबार दिउँसो २:३० बजेसम्म १९ वटा शव निकालिएको थियो । मृतक सबै पुरुष रहेको पाइएको छ । खोजी र उद्धार कार्य जारी छ," हपाकान्त प्रहरी चौकीका एक प्रहरी अधिकारी हान विन ह्लिङले  सिन्ह्वालाई बताएका छन् ।

दिउँसो ३ बजेतिर पहिरो गएको हो । स्थानीय समयअनुसार आइतबार म्यानमारको जेड उद्योगको केन्द्र हपाकान्तको माना गाउँ नजिकैको जेड खानीमा ३० जनाभन्दा बढी मानिस बेपत्ता भएका  थिए ।

घटनास्थलमा सोमबारदेखि विभिन्न उद्धार संस्थाले खोजी तथा उद्धार कार्य गरिरहेको स्थानीय उद्दारकर्ताले बताएका छन् । रासस/सिन्ह्वा