पाल्पा । तिनाउ गाउँपालिका–३ स्थित ड्यामसाइड क्षेत्रमा पहिरो खस्दा सिद्धार्थ राजमार्ग अवरुद्ध  भएको छ ।  जिल्ला प्रहरी कार्यालय पाल्पाले गए रातिदेखि खसेको पहिरो पन्छाउने प्रयास भइरहेको जनाएको छ ।

सडक अवरुद्ध हुँदा यात्रु तथा सवारीसाधन बीचबाटोमै अलपत्र परेका छन् । माथिबाट ठूलो ढुंगासहित अझै पहिरो खस्ने खतरा रहेको जनाइएको छ ।

बेलाबेलामा पाल्पा–बुटवल सडकखण्डको सिद्धबाबा क्षेत्रमा पहिरो खसेर समस्या भइरहेको छ । सडकमाथिबाट चट्टानसहितको पहिरो खसेर वर्षायाम मात्र नभई अरू समयमा पनि यात्रुले सास्ती भोग्नुपरिरहेको छ । रासस