काठमाडौं । काठमाडौंको कागेश्वरी मनोहरा नगरपालिका–६, मुलपानीमा जुवातास खेलिरहेको अवस्थामा १३ जना पक्राउ परेका छन् । 

सोही ठाउँ बस्ने ओखलढुङगाको लिखु गाउँपालिका–१ घर भएका २५ वर्षीय सिरबहादुर कार्कीको होटेलमा जुवातास खेलिरहेको अवस्थामा कार्कीसमेत १३ जनालाई बुधबार राति प्रहरीले पक्राउ गरेको हो ।

विशेष सूचनाको आधारमा प्रहरी वृत्त बौद्धबाट खटिएको प्रहरीले उनीहरूलाई नगद एक लाख रूपैयाँ र दुई बुक ताससहित पक्राउ गरेको जनाइएको छ