काठमाडौं । श्रमिकको न्यूनतम पारिश्रमिक २५ हजार निर्धारण गर्नुपर्ने माग गर्दै काठमाडौंमा प्रदर्शन गरेको छ । 

लामो समयदेखि श्रमिकको न्यूनतम पारिश्रमिक १५ हजारबाट बढ्न नसकेको भन्दै २५ हजार निर्धारण गर्नुपर्ने माग गर्दै ट्रेड युनियन कांग्रेसले काठमाडौंमा प्रदर्शन गरेको हो । 

प्रदर्शनमा सहभागीहरूले श्रमिकको न्यूनतम पारिश्रमिक वृद्धि गर, स्थानीय तहमा श्रमिकहरूको पञ्जीकरण गर, श्रम आयोगको गठन गर लगायका प्लेकार्ड प्रदर्शन गरेका थिए । 

प्रदर्शनमा नेपाल ट्रेड युनियन कांग्रेसका अध्यक्ष योगेन्द्रकुमार कुँवरले विभिन्न बहानामा श्रमिकको न्यूनतम ज्याला वृद्धि हुन नसकेको भन्दै अब न्यूनतम पारिश्रमिक २५ हजार निर्धारण गर्नुपर्ने बताए । 

उनले अहिलेको पारिश्रमिक पीडित भएको र श्रमिकको चुल्हो बल्न नसकेको भन्दै न्यूनतम पारिश्रमिक वृद्धि गर्नुपर्ने धारणा राखे । 

ट्रेड युनियन कांग्रेसले आफूहरूको मागका विषयमा सरोकारवालाहरूको ध्यानाकर्षण गराएको भन्दै माग पुरा नभए कडा आन्दोलन गर्ने चेतावनी दिएको छ ।