काठमाडौं । दाङको राजपुर गाउँपालिका–५, जंग्रहवामा मोटरसाइकल दुर्घटना हुँदा एकजनाको मृत्यु भएको छ । 

मृत्यु हुनेमा राजपुर स्वास्थ्य चौकीका अहेव दाङको दंगीशरण गाउँपालिका–१ का अन्दाजी ३४ वर्षीय ताराप्रसाद विक रहेका छन् । उनी मोटरसाइकलको पछाडि सवार थिए ।

दुर्घटनामा घाइते भएका उनको उपचारका क्रममा मेडिकल कलेज कोहलपुर, बाँकेमा आज बिहान मृत्यु भएको प्रहरीले जानकारी दिएको छ । 

बसन्तपुरदेखि गंगदीतर्फ जाँदै गरेको रा ६ प ८९२४ नम्बरको मोटरसाइकल गएराति २ बजे अनियन्त्रित भई पल्टिएको थियो । मोटरसाइकल चालक प्रहरीको नियन्त्रणमा रहेका छन् ।