site stats
बाह्रखरी :: Baahrakhari
खेल
Global Ime bankGlobal Ime bank
१० दिनको निलम्बनमा परे रोमाका प्रशिक्षक माउरिन्हो

काठमाडौं । रोमाका मुख्य प्रशिक्षक जोजे माउरिन्हो नयाँ सिजन सन् २०२३–२४ मा १० दिनका लागि निलम्बनमा परेका छन् । माउरिन्होले रेफ्री ड्यानियल चिफीमाथि दिएको अभिव्यक्तिका कारण उनलाई कारबाहीस्वरुप निलम्बन गरिएको हो ।

गत मे ३ मा रोमाले मोन्जाविरुद्ध खेल्दा माउरिन्होले चिफीलाई ‘मेरो जीवनमा भेटेको अहिलेसम्मकै खराब रेफ्री’ भनी प्रतिकृया दिएका थिए । यसैकारण माउरिन्होलाई ४३ हजार पाउन्डको जरिवानासमेत लगाइएको छ ।

“माउरिन्होले आगामी सिजनको पहिलो दिनदेखि सुरु हुने १० दिने निलम्बनको सामना गर्नेछन्,” इटालियन फुटबल एसोसियसनले भनेको छ ।

चेल्सी, रियाल मड्रिड, इन्टर मिलान र म्यानचेस्टर युनाइटेडका पूर्व मुख्य प्रशिक्षक माउरिन्होले मोन्जाविरुद्ध चिफीले रोमाका मेह्मेट जेकी सेलिकलाई खेलको इन्जुरी समयमा रातो कार्ड देखाएपछि रेफ्रीको आलोचना गरेका थिए । यू पाउर रंगशालामा भएको उक्त खेलमा रोमा मोन्जासँग १–१ को बराबरीमा रोकिएको थियो ।

खेलका दौरान पहेँलो कार्ड बेहोरेको माउरिन्होले त्यसबेला चिफीबाट बच्नका लागि आफूले माइक्रोफोन प्रयोग गरेको समेत प्रतिृकया दिएका थिए । रोमा गत सिजन सिरी ‘ए’मा छैटौँ स्थानमा रहेको थियो । माउरिन्होको प्रशिक्षणमा रोमाले युरोपा लिगमा फाइनलसम्मको यात्रा तय गरे पनि सेभियासँग हार बेहोरेपछि उपविजेतामो चित्त बुझाएको थियो ।

प्रकाशित मिति: बिहीबार, असार १४, २०८०  १२:३७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro