site stats
बाह्रखरी :: Baahrakhari
खेल
Global Ime bankGlobal Ime bank
आर्सनल डेक्लान राइसका लागि १०५ मिलियन पाउन्ड खर्चिन तयार 

काठमाडौं । इंग्ल्यान्डका मिडफिल्डर डेक्लान राइसलाई वेस्ट ह्यामबाट १०५ मिलियन पाउन्डमा भित्र्याउन आर्सनल तयार भएको छ ।

वेस्ट ह्यामले राइसका लागि आर्सनलले गरेको यसअघिका दुई प्रस्ताव अस्वीकार गरेको थियो । तेस्रो प्रस्तावमा सहमति जनाएको बीबीसीले खुलाएको छ ।

वेस्ट ह्यामले यसअघि राइसका लागि म्यानचेस्टर सिटीबाट आएको ९० मिलियन पाउन्डको प्रस्ताव पनि अस्वीकार गरेको थियो ।

वेस्ट ह्यामका कप्तान समेत रहेका राइस सन् २०१४ मा चेल्सीको एकेडेमीबाट वेस्ट ह्याम आएका थिए । वेस्ट ह्यामले यो महिनाको सुरुआतमा युरोपा कन्फेरेन्स लिगको उपाधि जितेको थियो । वेस्ट ह्यामले पछिल्ला ४३ वर्षमा जितेको यो पहिलो प्रमुख उपाधि थियो । राइस र वेस्ट ह्यामबीच सन् २०२४ सम्मको सम्झौता थियो ।

आर्सनलले राइसका लागि १०० मिलियन पाउन्ड प्रारम्भिक र पाँच मिलियन ‘एड वान्स’ प्रस्ताव गरेको हो । यो यसअघि सिटीले ज्याक ग्रिलिसका लागि खर्चेको (१०५ मिलियन पाउन्ड) रकमबराबर हो ।

प्रिमियर लिगमा चेल्सीले अर्जेन्टिनी मिडफिल्डर एन्जो फर्नान्डेजलाई बेन्फिकाबाट भित्र्याउँदा सबैभन्दा धेरै रकम खर्चेको थियो । त्यस बेला चेल्सीले फर्नान्डेजका लागि १०७ मिलियन पाउन्ड खर्चेको थियो । यो प्रिमियर लिगको इतिहासमा अहिलेसम्मकै सबैभन्दा ठूलो सरुवा रकम हो ।

वेस्ट ह्यामका लागि राइसले २४५ खेलमा १५ गोल गरेका छन् । राइसले इंग्ल्यानडबाट ४३ क्याप जितेका छन् ।

प्रकाशित मिति: बिहीबार, असार १४, २०८०  १२:००
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro