काठमाडौं । पाँच दिने भ्रमणका लागि उपप्रधान एवम् गृहमन्त्री नारायणकाजी श्रेष्ठ चीन प्रस्थान गरेका छन् । सात सदस्यीय प्रतिनिधिमण्डलसहित गएराति मन्त्री श्रेष्ठ चीन प्रस्थान गरेका हुन् ।
उनी आज ‘पश्चिमी चीन अन्तर्राष्ट्रिय मेला’को स्वागत भोजमा सहभागी हुनेछन् ।
उनले बिहीबार (भोलि) उक्त मेलाको उद्घाटन समारोहलाई विशेष अतिथिका रूपमा सम्बोधन गर्नेछन् । भोलि नै मन्त्री श्रेष्ठ चिनियाँ कम्युनिष्ट पार्टी, सिचुवान प्रान्तका नेताले आयोजना गरेको रात्रिभोजमा सरिक हुनेछन् ।
उपप्रधानमन्त्री श्रेष्ठले शुक्रबार सिचुवान विश्वविद्यालयमा अध्ययनरत चिनिया, नेपाली र अन्य देशका विद्यार्थीलाई सम्बोधन गर्ने क्रार्यक्रम छ । शुक्रबार नै उनले सिचुवान एयरलाइन्स र प्रान्तीय लगानी समूहका अधिकारीहरूलाई भेट्ने कार्यक्रम रहेको छ ।
मन्त्री श्रेष्ठले शनिबार बिहान उनले भूकम्पपछि पुनर्निर्माण भएको यिन्छियूको र जिपिङ्पुस्थित ‘हाइड्रो जक्सन’को अवलोकन गर्ने कार्यक्रम रहेको जनाइएको छ ।
मन्त्री श्रेष्ठ आइतबार नेपाल फर्किनेछन् ।
