काठमाडौं । रेशम चौधरीलाई रिहा गर्ने निर्णयविरुद्धको रिट हेर्न नभ्याउने हुँदै स्थगित भएको छ ।

कैलालीको टीकापुर घटनामा दोषी ठहर भएका रेशम चौधरीलाई राष्ट्रपतिबाट आममाफी दिँदै रिहा गर्ने निर्णय खारेज गर्न माग गर्दै सर्वोच्च अदालतमा रिट परेको थियो ।

मंगलबार दर्ता भएको रिट न्यायाधीश डा. आनन्दमोहन भट्टराईको इजलासमा तोकिएको थियो ।  

घटनामा मारिएका प्रहरी अधिकृतकी पत्नी शारदा कडायत बोहोराले उक्त रिट दर्ता गराएकी हुन् ।

आइतबार मन्त्रिपरिषद्को बैठकले चौधरीसहित १९ राजबन्दीलाई आममाफी दिन सिफारिस गरेको थियो । राष्ट्रपति रामचन्द्र पौडेलले उक्त सिफारिसलाई स्वीकृत गरेका थिए ।

गणतन्त्र दिवसका अवसरमा सोमबार चौधरी जेलबाट रिहा भइसकेका छन् ।