काठमाडौं । कास्कीको पोखरा महानगरपालिका–२५, हेम्जामा गएराति जीपको ठक्करबाट पैदलयात्रीको मृत्यु भएको छ ।

वाग्लुङबाट पोखरातर्फ आउँदै गरेको लु ३ च ५१२ नम्बरको जीपले गएराति सवा १० बजे अन्दाजी ३० वर्षीय पुरुषलाई ठक्कर दिएको प्रहरीले जानकारी दिएको छ ।

जीपको ठक्करबाट घाइते उनको पोखरा स्वास्थ्य विज्ञान प्रतिष्ठानमा उपचारको क्रममा मृत्यु भएको हो । मृतकको सनाखत हुन बाँकी रहेको छ । जीपसहित चालक वडा प्रहरी कार्यालय वैदामको नियन्त्रणमा रहेको जनाइएको छ ।