काठमाडौं । नेकपा (एमाले)को स्थायी कमिटी बैठक आज बस्ने भएको छ । जारी केन्द्रीय कमिटी बैठकमा समूहगत छलफलपछि प्रदेश अध्यक्षहरूले सुझावका पेस गरिसकेपछि स्थायी कमिटी बैठक बस्ने एमालेले जनाएको छ । 

प्रदेश अध्यक्षहरूबाट प्राप्त सुझावका आधारमा स्थायी कमिटी बैठकले आगामी कार्ययोजनाको प्रस्ताव तयार गर्ने बताइएको छ ।

स्थायी कमिटीले कार्ययोजनाको प्रस्ताव तयार गरेपछि पुनः केन्द्रीय कमिटीको बैठक सुरु हुनेछ । केन्द्रीय कमिटीको बैठकबाट स्थायी कमिटीले तयार गरेको कार्ययोजनाको प्रस्ताव पारित गर्ने एमालेको तयारी छ ।

बिहीबार (हिजो)बाट सुरु भएको एमाले केन्द्रीय कमिटी बैठक वैशाख ३० गतेसम्म चल्नेछ ।