काठमाडौं । अर्थमन्त्री डा. प्रकाशशरण महतले अर्थतन्त्र सुधारका नाममा सबै ठाउँमा सर्जरी खोज्न नहुने बताएका छन् । 

बुधबार नेपाल उद्योग वाणिज्य महासंघले आयोजना गरेको प्रि–बजेट छलफलमा बोल्दै मन्त्री महतले धेरै सर्जरी खोज्न नहुने बताएका हुन् ।

“अहिले अर्थतन्त्र सुधारको लागि सर्जरी नै खोजिएको छ । तर, एकैपटक सर्जरी गर्दा समस्या आउन सक्छ,” उनले भने, “प्राथमिकताका आधारमा काम गरे समस्या कम हुन्छ । हामीले त्यो कुरालाई ध्यान दिनुपर्छ । सबै ठाउँमा सर्जरी गर्न हुँदैन ।”

त्यस्तै, व्यवसाय गर्न असहज हुने कानुन सहज बनाउन सरकार सकारात्मक भएको पनि उनले बताए । वित्त नीति र मौद्रिक नीतिबाट व्यवसायीका समस्याको समाधान गर्न खोज्ने उनले बताए ।