काठमाडौं । धनुषाको मिथिला नगरपालिका–४, जगदेवपुलमा आज टिपरमा  मोटरसाइकल ठोक्किँदा चालकको मृत्यु भएको छ । धनुषाकै कमला नगरपालिका–२ का २२ वर्षीय दिपु यादवको मृत्यु भएको हो ।

दुर्घटनामा घाइते भएका यादवलाई ढल्केबर अस्पताल पुर्‍याउनासाथ चिकित्सकले मृत घोषणा गरेका थिए ।

सिरहाबाट महोत्तरीतर्फ जाँदै गरेको लु१क १७६८ नम्बरको टिपरमा सोही दिशातर्फ जाँदै गरेको मधेस प्रदेश–०२–००६ प ६५२७ नम्बरको मोटरसाइकल ठोक्किएको थियो ।

सोमबार बिहान करिब ५ बजे भएको दुर्घटनापश्चात् टिपरचालक फरार छन् । उनको खोजी भइरहेको इलाका प्रहरी कार्यालय ढल्केबरले जनाएको छ ।