काठमाडौं । नेकपा क्रान्तिकारी माओवादीका नेता सीपी गजुरेलले समयमा नै संक्रमणकालीन न्यायसम्बन्धी विषयलाई टुङ्गो लगाउन नसक्दा अहिले समस्या देखिएको बताएका छन् ।
शनिबार काठमाडौंमा शान्ति सम्झौता, संक्रमणकालीन न्याय, सत्यनिरुपणलगायतका विषयमा आयोजित कार्यक्रममा उनले ६ महिनाभित्रै शान्तिप्रक्रियालाई टुङ्गाउनुपर्ने भए पनि १६ वर्षसम्म लम्बिएका कारण अहिले समस्या देखिएको बताए ।
यसको सम्पूर्ण जिम्मेवारी यस अवधिमा प्रधानमन्त्री बनेका पुष्पकमल दाहाल प्रचण्ड, शेरबहादुर देउवा, केपी ओली, बाबुराम भट्टराईले लिनुपर्ने उनले जिकिर गरे ।
गजुरेलले संक्रमणकालीन न्यायलाई छिटो टुङ्ग्याउन आदेश दिनुपर्नेमा द्वन्द्वकालीन मुद्दाहरुलाई फौजदारीतर्फ लैजाने व्याख्या गर्नुमा अदालतको पनि त्रुटि रहेको बताए ।
गजुरेलले शान्तिप्रक्रिया टुङ्गो लगाउनका लागि दबाब दिनका लागि माओवादी घटकहरु एकैठाउँ आउनुपरेको धारणा राखे । उनले जनयुद्धलाई कसैले अपराधीकरण गर्न खोजे मञ्जुर नहुने बताए ।