काठमाडौं । बाँकेमा पुस १२ गतेदेखि सुरु भएको दादुराबाट संक्रमित हुनेको संख्या तीनसय पुगेको छ । स्वास्थ्य कार्यालय बाँकेका अनुसार पाँच पालिकामा गरी आइतबारसम्म संक्रमित बालबालिकाको संख्या ३०० पुगेको हो ।
हालसम्म संक्रमित भएकामध्ये २९२ जना निको भइसकेको, सातजना आइसोलेसनमा रहेको र एकजनाको मृत्यु भएको कार्यालयको तथ्यांक छ । जिल्लाका नेपालगञ्ज उपमहानगरपालिका, खजुरा गाउँपालिका, नरैनापुर गाउँपालिका, डुडुवा गाउँपालिका र कोहलपुर नगरपालिकामा गरी ३२ वटा वडा दादुरा प्रभावित भएका छन् ।
संक्रमण तीव्र रुपमा फैलिएपछि बाँकेमा ६ महिनादेखि १५ वर्षमुनिका दादुरा, रुबेलाविरुद्धको खोप दिइएको छ । आइतबारसम्म एकलाख १५ हजार ७३५ जनालाई खोप दिइएको कार्यालयले जनाएको छ ।