काठमाडौं । परीक्षा तालिका परिमार्जनको माग गर्दै नेपाल विद्यार्थी संघको अगुवाइमा प्रदर्शन गरिएको छ । आइतबार विद्यार्थीले बल्खुस्थित परीक्षा नियन्त्रण कार्यालयअगाडि प्रदर्शन गरेका हुन् ।

त्रिभुवन विश्वविद्यालयले अशोभनीय, त्रुटिपूर्ण रूपमा परीक्षा तालिका सार्वजनिक गरेको भन्दै प्रदर्शन गरिएको हो । विद्यार्थीले संयुक्त रूपमा ज्ञापनपत्र समेत बुझाएका थिए ।

सामान्यतया त्रिविले परीक्षा फाराम भरेको ३५ दिनपछि परीक्षा गर्ने गरेको छ । योपटक स्नातक तहको चौथो वर्षको कोर्स नसकिँदै परीक्षा फाराम भर्ने अन्तिम मितिको तीन दिनपछि नै परीक्षा गर्ने गरी तालिका सार्वजनिक गरिएको थियो ।