काठमाडौं । चलचित्र विकास बोर्डले स्टोरी बैंकका लागि आह्वान गरे पनि सिनेमा मेकरहरूले पर्याप्त सहभागिता नजनाएको पाइएको छ । बोर्ड स्वयंले निर्धारित मितिमा उल्लेख्य सहभागिता नजनाएको स्पष्ट पारेको छ ।
अपेक्षित सहभागिता नभएपछि बोर्डले स्टोरी पठाउन पुनः समय थप गरेको छ । ३० दिन समय थप गरिएको बोर्डले जानकारी दिएको छ । कात्तिक ३ गतेदेखि पुनः एक महिनाभित्र सिनेमाको स्क्रिप्ट पठाउन सकिनेछ । यसअघि भदौ ३० देखि ३५ दिनका लागि समय उपलब्ध गराउँदै बोर्डले स्क्रिप्ट पठाउन आह्वान गरेको थियो ।
स्वदेशी चलचित्रको विकास, प्रवद्र्धन र संरक्षणका लागि मौलिक, ऐतिहासिक, यथार्थपरक, कलात्मक, सामाजिक, सांस्कृतिक, सन्देशमूलक एवं राष्ट्रियताको पहिचानमा आधारित कथावस्तुमा चलचित्र निर्माण गर्न प्रोत्साहनका लागि बोर्डले उत्कृष्ट स्क्रिप्ट छनोट गरी चलचित्रको निर्माणमा प्रोत्साहन स्वरुप सहकार्य÷सहयोग गर्न भन्दै स्टोरी बैंक खडा गरेर स्क्रिप्ट आह्वान गर्दै आएको छ ।