जनकपुरधाम । दीपावलीका लागि जनकपुरधाममा झकिझकाउ बनाइएको छ । सोमबार बिहानैदेखि घर तथा पसलअगाडि केराको थम्बा गाडेर सजाइएको छ । झिलिमिली बत्ती बालेर झकिझकाउ बनाइएको छ ।

प्रत्येक वर्ष जनकपुरधामका बजारमा ग्रामीण क्षेत्रबाट ट्याक्टरमा केराका थम्बा ल्याएर बिक्री गरिने गरिन्छ । सोमबार किसानले केराको प्रतिथम्बा (बोट) २०० रुपैयाँसम्ममा बिक्री गरेका छन् ।

जनकपुरधामसहित मिथिला क्षेत्रमा देउसीभैलो खेल्ने परम्परा छैन । यस दिन राति देवी लक्ष्मीको पूजापाठ गरी दीपावली मनाइन्छ । घरघरमा विभिन्न किसिमका रंगीचंगी बत्ती बालिन्छ ।

थप तस्बिर हेर्नोस्–