मकवानपुर । मकवानपुरमा ट्रकले अटोलाई ठक्कर दिँदा एकजनाको मृत्यु भएको छ । तीनजना घाइते भएका छन् ।

मकवानपुरको वाग्मती गाउँपालिका–५ को झुरझुरेबाट फापरबारीतर्फ आउँदै गरेको ना१ह ५८५५ नं. को अटो र विपरीत दिशाबाट आइरहेको वाग्मती प्रदेश ०३–१००१ क ४१३ नं. को ट्रक ठोक्किँदा एकजनाको मृत्यु भएको छ । 

वाग्मती नदीमा शव दाहसंस्कार गरी फर्केका मलामी चढेको सो अटोलाई ट्रकले ठक्कर दिँदा अटोका चालकसहित तीनजना यात्रु घाइते भएका छन् । जिल्ला प्रहरी कार्यालयका अनुसार घाइते तीनजनाको हेटौँडाको चुरेहिल अस्पतालमा उपचार भइरहेको छ । 

मृतक वाग्मती गाउँपालिका–८ बस्ने वर्ष ५८ को रामबहादुर गोले रहेको प्रहरीले जनाएको छ । रासस